Enska tónlistarkonan og leikkonan Lily Allen (39) og bandaríski leikarinn David Harbour (49) eru að skilja eftir fjögurra ára hjónaband.
„Hjónaband hennar hefur verið að hrynja,“ segja heimildamenn People og segja hjónin flutt sundur.
Sögusagnir um samband þeirra hófust í janúar 2019 eftir að þau mættu saman í BAFTA Tea partýið og staðfestu þau samband sitt í október það ár. Parið gifti sig í Las Vegas árið 2020 eftir að hafa kynnst á stefnumótaforriti fræga fólksins Raya. Dætur Allen, Marnie Rose og Ethel Mary, sem nú eru 12 og 13 ára, voru viðstaddar.
View this post on Instagram
Allen talaði um „erfiða tíma“ í Miss Me? hlaðvarpsþætti hennar og Miquita Oliver þann 16. desember. Þrátt fyrir að Allen hafi ekki gefið nánar upplýsingar um hvað væri að angra hana, sagði hún að það hefði áhrif á andlega heilsu sína og matarlyst.
Fyrr á þessu ári gaf Allen aðdáendum þeirra hjóna innsýn í nokkrar af óhefðbundnari hliðum hjónabandsins, eins og OnlyFans reikninginn hennar, þar sem hún selur myndir af fótum sínum, og þá staðreynd að hjónin stjórnuðu símaforritum hvors annars.
„Ég er núna með barnasíma sem heitir Pinwheel. Hann hefur enga vaframöguleika og enga samfélagsmiðla, en þú getur samt haft Uber og Spotify,“ sagði hún við The Sunday Times í maí. „Maðurinn minn stjórnar því hvað ég má hafa sem app í símanum mínum. Ég er stjórnandi á hans síma.“
Í hlaðvarpinu sínu í júlí sagði hún að Harbour segði OnlyFans reikning hennar frábæran.
„Í fyrstu sagði hann að þetta væri ekkert að kveikja í honum, en hann spurði hvort þetta væri eitthvað kinký fyrir mig, sem ég neitaði. En kannski er það kinký fyrir mig að stjórna einhverju svona,“ sagði Allen, sem viðurkenndi að oft hafnaði hún kynferðislegum óskum eiginmannsins.
„Ég velti því fyrir mér hvort ég sé að gera lítið úr kynferðisórum eiginmannsins,“ sagði hún. „Vegna þess að hann spyr oft um hluti og ég er svara: „Nei, elskan, það er ekki að gerast.“
Ég er ekki að húðskamma hann hvernig hann dirfist að spyrja mig. En meira svona: „Höfuðverkur, fékk smá höfuðverk — kannski ekki í kvöld.“
Í nóvember 2023 opnaði sagði Harbour í viðtali við People að hann hefði fundið sálufélagann hjá Allen. Eins og ofangreint sýnir hafa hjónakornin alltaf rætt opinskátt um samband sitt og í viðtali við The Sunday Times í október 2020 sagði Allen að hún vonaðist til að eignast börn með Harbour.
