Áramótaspá Ellýjar Ármanns: „Hann ákvað bara þegar hann hitti hana að þetta væri rétta konan“

Spákonan og flugfreyjan Ellý Ármanns er gestur vikunnar í Fókus, viðtalsþætti DV. Um er að ræða sérstakan áramótaþátt þar sem Ellý spáir fyrir mörgum þekktum andlitum sem voru til umræðu á nýliðnu ári.

Horfðu klippu úr þættinum hér að neðan. Smelltu hér til að horfa á hann í heild sinni hér eða hlusta á Spotify .

Eitt af pörunum sem vakti hvað mesta athygli á árinu var stjörnuparið Ómar R. Valdimarsson, lögmaður, og Eva Margrét Ásmundsdóttir, fasteignasali. Þau gengu í það heilaga í maí eftir um átta mánaða samband og gerðu kaupmála.

Sjá einnig: Ómar og Eva Margrét gengin í það heilaga

Lesendur höfðu mikinn áhuga á parinu í ár og voru allar fréttir um þau mikið lesnar, hvort sem það var um ferðalög þeirra eða hjónavígslu.

Við spurðum Ellý: „Hvaða skilaboð hafa spilin fyrir þessi nýbökuðu hjón?“

„Sönn ást,“ segir hún einfaldlega.

„Þau eru tengd og þau tengdust um leið og þau hittust. Ég held líka að hann ákvað bara þegar hann hitti hana að þetta væri rétta konan. En það gengur á ýmsu og þau tækla það, við erum öll að takast á við eitthvað verkefni.
Fjölskyldurnar sameinast og þau þurfa bara að leggja sig fram við að gefa eftir og sýna umburðarlyndi. En þetta er sálarsameining. Fallegt samband. Af hverju ekki að lifa núna? Þetta er svolítið „lífið núna“ samband. Af hverju eigum við ekki bara að trúa því og vera í núinu? En þau þurfa að takast á við alls konar hindranir sem eru fyrir framan þau og þau tækla það.“