Það hefur ekki farið framhjá neinum að undanfarin ár hefur verið drama á milli Victoriu og eiginmanns hennar, David Beckham, og sonar þeirra, Brooklyn og eiginkonu hans, Nicolu.
Nicola og Brooklyn giftust árið 2022 og mætti segja að allt þetta drama hafi byrjað þá.
Sumarið 2022 voru háværar sögusagnir á kreiki um að kalt væri á milli Victoriu og Nicolu vegna þess að Nicola hafi neitað að klæðast brúðarkjól sem Victoria hannaði, en sagt er að Nicola hafi ætlað að gera það og síðan skipt um skoðun. Erlendir miðlar greindu frá því að þær „þola ekki hvor aðra og talast ekki við.“
Victoria var á dögunum gestur í útvarpsþætti Andy Cohen og var spurð hvort henni hafi komið vel saman við eiginkonur fótboltamanna þegar David var enn að spila.
„Já, ég er stelpu stelpa. Ég meina… þú þarft að vera algjör fáviti til að okkur komi ekki vel saman ef þú ert kona,“ sagði hún.
„Ég elska konur, það er hluti af ástæðunni fyrir því að ég geri það sem ég geri með tísku og fegurð. Ég vil valdefla konur.“
Athugasemd Victoriu vakti mikla athygli en margir velta fyrir sér hvort hún var að tala óbeint um tengdadóttur sína, en það er vitað að þeim kemur ekki vel saman.
