Kelly Osbourne segist vera niðurbrotin eftir fráfall föður síns Ozzy síðastliðinn þriðjudag. Kelly, sem varð heimsfræg eftir að raunveruleikaþættir um fjölskylduna slógu í gegn á MTV á sínum, opnaði sig um líðan sína í færslu á Instagram.
„Ég er óhamingjusöm, ég er svo sorgmædd,“ skrifaði Kelly. Þá deildi hún textabroti úr laginu Changes með Black Sabbath en Kelly gaf út ábreiðu af laginu með með föður sínum árið 2003.
Brotið var viðeigandi en það hljómar svo. „Ég missti besta vin sem ég hef nokkru sinni átt.“
Hin goðsagnarkenndi þungarokkari var 76 ára gamall þegar hann lést, umkringdur fjölskyldu og vinum. Segja má að fáir hafi kvatt eins vel og Ozzy en aðeins þremur vikum fyrir andlátið héldu hljómsveitin Black Sabbath og Ozzy sína hinstu kveðjutónleika sem þóttu gjörsamlega magnaðir.
Tónleikarnir voru tilfinningaþrungnir fyrir Kelly en hún notaði tækifærið og trúlofaðist kærasta sínum, Sid Wilson, á tónleikunum.
