Birta Ásmundsdóttir, dansari og Kristinn Óli S. Haraldsson, Króli, leikari og tónlistarmaður, eiga von á barni.
„Ástoggleði.is,“ segir parið í færslu á samfélagsmiðlum, en von er á barninu í desember. Parið hefur verið saman í nokkur ár og trúlofaðu þau sig í desember í fyrra.
View this post on Instagram
Birta var nýlega tilnefnd til Grímuverðlauna í flokki dansara ársins fyrir verk sitt „When a duck turns 18 a boy will eat her“.
Króli varð landsþekktur á einni nóttu með vini sínum, tónlistarmanninum Jóapé, þegar þeir gáfu út lagið B.O.B.A. árið 2017. Síðan þá hefur Króli fengist við tónlist og leiklist, en hann er í dag útskrifaður leikari. Í haust mun hann leika í Ormstungu, glænýjum íslenskum söngleik í Þjóðleikhúsinu. Í sumar verður hægt að sjá útskriftarverk hans frá LHÍ, Ber er hver, í Háskólabíó. Sviðslistahópurinn Aftur á móti mun taka bíóið að hluta yfir í sumar og sýna nokkrar leiksýningar.
