Eitt stærsta nafnið í íslenskri tónlist udanfarna áratugi hefur verið Bubbi Morthens. Bubbi lýsti því yfir á Facebook fyrr í dag að hann teldi þá miklu áherslu sem lögð á Söngvakeppni evrópskra sjónvarpsstöðva í tónlistarlífinu, með RÚV í broddi fylkingar, æði sérstaka og væri íslenskri tónlist ekki til sérstaklega mikilla heilla.

Bubbi skrifar:

„Eurovision með RÚV í fararbroddi er vægt sagt spes umfangið áróðurinn þetta er að verða einum of þetta gerir íslenskri tónlist engan greiða þegar upp er staðið ég skil hins vegar að þegar uppeldið hefur átt sér stað í árafjöld sé þjóðina komin á þá skoðun að þetta sé eithvað stórfenglegt.“

Bubbi segir að keppnin sé svona mikill miðpunktur sé einna helst bundið við Ísland:

„Að Ríkið skuli dræfa svona yfirgengilega á þessu er með ólíkindum að því sögðu eru svona leikar hvergi eins vinsælir eins og á Íslandi, en þetta er bara skoðun. Íslensk tónlist á betra skilið finnst mér. Ég er ekki tala um innlenda keppendur eða leggja sem slíkt dóm á lögin heldur umfangið og áróðurinn. Það væri hægt að gera svo margt fyrir íslenska tónlist miklu fremur en þennan áróður fyrir júró,“ segir Bubbi að lokum og biðlar með tjákni til RÚV að draga úr hinni miklu áherslu á keppnina sem löngum hefur ráðið ríkjum þar á bæ.