Vinur okkar allra, bandaríska leikkonan Courteney Cox, varð sextug í síðasta mánuði. Á sunnudag birti hún myndband á Instagram þar sem hún gaf fylgjendum sínum innsýn í líkamsræktarrútínu sína, sem hún viðurkennir að sé aðeins of mikil.
„Ég átti nýlega afmæli. Er ekki að elska töluna, en við eigum ekki val. Maður verður bara að gera eins vel og maður getur,“ segir leikkonan áður en hún fer á hlaupabretti, stundar upphýfingar, bekkpressu, lyftir ketilbjöllu og fleira.
Í lokin má sjá Cox klædda í bikiní koma út úr litlum frysti með andlitsmaska. „Þetta er frystimeðferð,“ segir hún hlæjandi.
View this post on Instagram
