Íþróttastjörnurnar eru að týnast til Parísar, en þar fara Olympíuleikarnir fram 26. Júlí til 11. ágúst.
Breski ólympíuverðlaunahafinn og dýfingakappinn Tom Daley sýndi fylgjendum á hin alræmdu rúm sem keppendum er boðið upp á.
Í myndbandi sem Daley birti á TikTok á mánudag má sjá hann hoppa á rúmi sínu, en sagan segir að rúmin séu höfð léleg svo ekki sé hægt að stunda kynlíf í þeim.
„Þetta er pappi,“ sagði hann og bankaði í höfuðgaflinn og sýndi síðan botn og fætur rúmsins. „Eins og þú sérð er þetta eins og kassi. Síðan er dýnan ofan á, yfirdýnan og svo fáum við okkar eigin Paris24 (teppi).“
Daley sýndi síðan stöðugleika rúmsins með því að hoppa upp og niður á því. „Eins og þú sérð eru þau frekar traust.“
@tomdaley CARBOARD BEDS IN THE OLYMPIC VILLAGE! #paris2024 #olympics ♬ original sound – Tom Daley
Írski fimleikamaðurinn Rhys McClenaghan prófaði einnig „kynlífslausu“ kenninguna og skoppaði og stappaði á rúminu og skellti sér í það.
„Nei, þau standast prófið. Þetta eru falsfréttir!“
@rhysmcc1Paris Olympics “Anti-sex beds” debunked (again)♬ original sound – Rhys Mcclenaghan
Áströlsku tennisleikararnir Daria Saville og Ellen Perez létu einnig reyna á kenninguna með ýmsum æfingum, þar á meðal orminum.
@dasha_tofu Testing out the cardboard beds at the Olympic Village @Ilona Maher #AllezAUS #Paris2024 #Olympics #Tennis #ParisOlympics2024 #ParisOlympics #olympics2024 ♬ original sound – Dasha & Tofu
Ólympíufarar þessa árs hafa augljóslega verið spenntir að prófa rúmin eftir að þau voru fyrst kynnt til sögunnar á Ólympíuleikunum í Tókýó 2021 við slæma dóma sumra íþróttamanna.
Bandaríski hlauparinn Paul Chelimo fullyrti á þeim tíma að val á papparúmum væri til að koma í veg fyrir nánd meðal íþróttamanna. „Rúmin þola þyngd eins einstaklings til að forðast aðstæður umfram íþróttir. Ég sé það ekki sem vandamál fyrir langhlaupara, jafnvel fjórir okkar duga.“
Ljóst er að skipuleggjendur leikanna telja rúmin ekki gera alla íþróttamennina fráhverfa kynlífi á meðan á leikunum stendur, þar sem skipuleggjendur viðburða í ár útvega 300 þúsund smokka fyrir íþróttamenn sem dvelja í Ólympíuþorpinu. Smokkar með ólympísku þema voru einnig með í móttökupökkunum sem íþróttamenn fengu.
Embættismenn í París greindu frá því við Reuters í maí að efnisval rúmanna væri til að „tryggja lágmarks umhverfisáhrif og framhaldslíf fyrir allan búnað sem notaður er á stuttum tíma leikanna. Það segir sig sjálft að gæði húsgagnanna hafa verið stranglega prófuð til að tryggja að þau séu sterk, þægileg og hentug fyrir alla íþróttamenn sem munu nota þau og spanna mjög breitt svið líkamsgerða.“
