Tónlistargoðsögnin Paul Young gekk í það heilaga í gær með unnustu sinni, Lornu. Parið hefur verið saman í nokkur ár en sex ár eru liðin síðan að fyrri eiginkona Pauls, Stacey, lést eftir harða baráttu við heilakrabbamein.
Paul og Stacey áttu saman fjögur börn dæturnar Levi (36 ára) og Layla (29 ára) sem og synina Grady (27 ára) og Jude (12 ára). Það hefur vakið nokkra athygli að börn Pauls voru hvergi sjáanlega við athöfnina. Hefur breska pressan fullyrt að börnin séu enn svo harmi slegin yfir fráfalli móður sinnar að þau hafi ekki getað afborið að horfa upp á brúðkaup föður síns.
Í umfjöllun Daily Mail er sagt að börnin hafi fagnað með hjónunum á heimili þeirra síðar um kvöldið en það sé þó enn óstaðfest. Dætur Pauls, sem eru virkar á Instagram, hafi til að mynda ekki sett inn neina færslu um brúðkaup föður síns né fylgi þær nýju eiginkonunni, Lornu, á samfélagsmiðlinum.
Paul og Lorna geisluðu hins vegar af hamingju með ráðhaginn og birtu meðfylgjandi mynd af gleðideginum á Instagram-síðu tónlistarmannsins.
View this post on Instagram
