Söngvarinn Ozzy Osbourne er búinn að fá sig fullsaddan af dansmyndböndum söngkonunnar Britney Spears á Instagram. Í hlaðvarpinu Osbournes sem fjölskylda hans heldur úti sagði Ozzy eiginkonu Sharon og börnum þeirra Jack og Kelly að hann væri kominn með nóg af því að sjá færslur „fátæku gömlu“ söngkonunnar á samfélagsmiðlum.
Þegar Sharon útskýrði að það væru dansmyndbönd Spears sem eiginmaður hennar var sérstaklega að vísa til, bætti Ozzy við: „Hvern einasta helvítis dag“
„Ég vorkenni henni,“ sagði Kelly áður en faðir hennar bætti við: „Þú veist, þetta er sorglegt, mjög, mjög sorglegt.“
Sharon vísaði til Spears sem „aumingja litla“ en Jack var sammála föður sínum og sagði að þetta væri „mjög sorglegt“. „Þetta er hjartnæmt,“ bætti Sharon við.
Ummæli Osbournes um Spears féllu eftir að hún birti myndband af sér á laugardag þar sem hún dansar léttklædd við lag Madonnu, I’m Addicted. Síðan þá hefur hún birt tvö önnur myndbönd.
View this post on Instagram
Söngkonan hefur í gegnum árin deilt mörgum sambærilegum myndböndum sem hafa valdið því að aðdáendur hennar, og börnin hennar, hafa áhyggjur af velferð Britney. Í lok september olli hún aðdáendum verulegum áhyggjum þegar hún birti myndband af sér að dansa, haldandi á tveimur stórum hnífum. Hins vegar hélt hún því fram að hnífarnir væru leikmunir. Í öðru myndbandi í desember klæddist hún undirfötum og hælum og dansaði við lag Peggy Lee frá árinu 1958, Fever, stuttu eftir að í ljós kom að pabbi hennar, Jamie Spears, hafði gengist undir fótaflimun.
Britney ver hins vegar dansmyndbönd sín og kallar þau meðferðarform.
