Erna Mist Yamagata listakona og Þorleifur Örn Arnarsson leikstjóri eiga von á sínu fyrsta barni saman í janúar.
Erna Mist staðfestir óléttuna við Vísi.
Þorleifur Örn á stjúpson og son frá fyrra hjónabandi. Erna Mist og Þorleifur Örn greindu frá sambandi sínu í upphafi þessa árs.
Erna Mist hefur vakið athygli fyrir málverk sín meðan Þorleifur Örn hefur hlotið lof og verðlaun fyrir leikstjórn hérlendis, í Þýskalandi og víðar. Hann hlaut meðal annars Menningarverðlaun DV árið 2016 í flokki leiklistar fyrir leikstjórn Njálu í Borgarleikhúsinu, en verkið er byggt á handriti sem hann samdi ásamt Mikael Torfasyni.