„Það er mjög óheppilegt að ég ákvað að lifa heilsusamlegri lífsstíl einmitt þegar allir ákváðu að byrja á Ozempic,“ sagði hann í samtali við Los Angeles Times.
„Það skiptir ekki máli, það munu allir halda að ég hafi verið á Ozempic hvort sem er.“
Aðspurður hvað hafi verið kveikjan að breyttum venjum og hollari lífsstíl sagði Plemons að hlutverk hans í kvikmyndinni Civil War hafi spilað þar inn í.
„Ég gat ekki séð hann [persónuna] í þeirri stærð sem ég var,“ sagði hann.
Plemons sagðist einnig hafa rannsakað hegðun hermanna og hafi í kjölfarið ákveðið að breyta alveg mataræðinu.
„Nokkrir sögðu mér frá föstum (e. intermittent fasting) og ég ákvað að prófa,“ sagði hann og bætti við að það hafi komið honum á óvart hversu vel það hafi virkað fyrir hann.
Eftir að tökum lauk fann leikarinn að hann væri kominn á gott ról og hann hélt áfram að léttast.
„Mér leið betur og hugarfarið breyttist. Ég var bara kominn með góð tök á þessu.“
Föstur, eða tímabundnar föstur (intermittent fasting), snúast um að borða ekki í stóran hluta af sólarhringnum. Vinsælast er að fasta í sextán tíma á sólarhring og borða í átta (16:8) en leikarinn greindi ekki frá því hvers konar tímaramma hann væri að fylgja.