„Skírlífi er svo mikið málið í dag. Ég er ekki að djóka. Það er búið að lýsa þessu yfir á TikTok, sem er alltaf með puttann á púlsinum varðandi trend. Skírlífi er málið og kynlíf er búið,“ segir Hocking í pistli á New.com.au.
„Þú veist að eitthvað er í tísku þegar stjörnurnar tala um þetta í viðtölum. Lenny Kravitz, Julia Fox og meira að segja Lady Gaga hafa talað um kosti þess að hætta að stunda kynlíf. Skýrari í kollinum, betri ákvörðunartaka, meira pláss í heilanum til að einbeita sér að öðru,“ segir hún.
„Þetta hljómar allt frábærlega. En hvað með hormónanna? Hvert fara þeir? Gröfum við þá djúpt niður? Það hljómar skelfilega. Þannig það er engin furða að mér leist ekkert á hugmyndina um skírlífi fyrst. Ég hef alltaf litið á kynlíf sem frábæra leið til að losa um smá stress, en ég elska að prófa ný trend þannig ég ákvað að láta á reyna.“
Í þrjá mánuði fór Jana á stefnumót en svaf aldrei hjá. Hún segist hafa lært mikið á þessum tíma. „Þetta opnaði augun mín, í alvöru. Ég ætla að deila með ykkur kostum og göllum þess að sleppa kynlífi.“
„Það fyrsta sem ég tók eftir er hversu margir gaurar halda að kynlíf sé bara sjálfsagður hluti af fyrsta stefnumótinu. Ekki misskilja mig, ég yrði móðguð ef karlmaður myndi ekki allavega reyna að sjá mig nakta eftir stefnumót, en viðbrögð þeirra þegar ég neitaði var nánast hlægilegt.
Tveir gaurar reyndu áfram eftir að ég var farin heim. Sendu mér skeyti eins og: „Ertu viss? Ég get tekið leigubíl beint til þín!“ Og hinn sagði: „Elskan, í alvöru? Skemmtum okkur.“
Þeir voru báðir greinilega bara að sækjast eftir einu þar sem ég hef ekki heyrt í þeim aftur. En þeir sem kipptu sér ekki upp við þetta koma enn til greina.“
„Ég rétt svo þurfti að finna fyrir smá golu á geirvörtunum til að ég yrði til í tuskið með nánast hverjum sem er. Af hverju langar okkur svo í það sem við megum ekki.“
„Það var frekar valdeflandi að vera við stjórnina þegar kemur að kynlífi. Spennan er guðdómleg og gerir biðina þess virði.“
Hocking segir að henni hefur alltaf þótt kynlíf virka sem góður flótti frá raunveruleikanum.
„Frábær leið til að hætta að hugsa um nokkuð annað en það sem er í gangi akkúrat núna. Án kynlífs þá ertu bara ein með hugsunum þínum og þú vilt aldrei vera ein með þeim ÖLLUM,“ segir hún.
Hocking ræddi við OnlyFans-parið og sambandssérfræðingana Stace og Ty um þetta nýja trend, sem þau sögðu vera fáranlegt.
„Hvernig veistu hvað þú vilt eða vilt ekki í kynlífi ef þú ert ekki að stunda kynlíf?“ sögðu þau.
„Við myndum hvetja fólk til að hugsa sig vel og vandlega og reyna að skilja af hverju það vill prófa skírlífi og vinna að raunverulega vandamálinu í stað þess að nota kynlíf sem blóraböggul,“ sögðu þau og bættu við:
„Nema þau hafa gengið í gegnum áfall, það er allt annað samtal.“