Miller taldi sig vera að grípa karlmann glóðvolgan við að horfa á hana. Hún var í sjálfsafgreiðslukassa í stórri matvöruverslun í Tennessee í Bandaríkjunum. Á bak við hana stóð karlmaður í röðinni. Áhrifavaldurinn var með einn síma stilltan upp fyrir framan sig á meðan hún las athugasemdir þeirra sem voru að horfa á streymið í beinni. Hún taldi hvert skipti sem maðurinn leit í áttina til hennar.
Hún kallaði talninguna: „Look counter,“ og lokatalan var sjö.
He is literally waiting on people to hurry up so he can check out with his food.
Holding up checkout to make a TikTok should be a criminal offense. pic.twitter.com/IYek7UgfJn
— Malcolm FleX (@Malcolm_fleX48) June 10, 2024
Netverjinn Malcolm Flex endurbirti myndbandið á X, áður Twitter, og gagnrýndi áhrifavaldinn harðlega. „Hann er bókstaflega að bíða eftir að fólk drífi sig svo hann geti borgað fyrir vörurnar sínar. Það ætti að vera glæpur að tefja röð til að taka upp myndband.“
Aðrir tóku í sama streng: „Hún er með myndavél og er að taka hann upp á meðan hann bíður í röð og hann er vondi gaurinn? Ég vona að hún verði bönnuð í búðinni,“ sagði einn netverji.
Það voru ekki aðeins netverjar sem létu Miller heyra það heldur skrifuðu nokkrir erlendir miðlar, eins og New York Post, MSN og News.com.au, fréttir um atvikið sem sýndu hana í neikvæðu ljósi.
Miller svaraði fyrir sig með því að deila myndbandinu af búðarferðinni í heild sinni. Á sirka mínútu 27:17 fór hún í röðina og eins og má sjá hér að neðan þá var hún ekki að tefja hana, heldur bara að bíða þar til röðin kæmi að henni.
Maðurinn horfði nokkrum sinnum á hana, en óvíst er hvort hann hafi verið að „virða hana fyrir sér“ eða forvitnast um myndavélina á kerrunni og hvað Miller væri að gera.
Horfðu á myndbandið hér að neðan.