Núna klukkan 13.00 var frumsýnt nýtt myndband við lag tónlistarkonunnar Laufeyjar Línar Jónsdóttur, Goddess. Aðdáendur Laufeyjar hafa verið að missa sig af spennu fyrir frumsýningunni og það er ekki síst vegna þess að myndbandið er í leikstjórn hinnar  kóresku-kanadísku  Celine Song.

Song, sem er leikstjóri, leikskáld og handritshöfundur, á það sameiginlegt með Laufeyju að frægðarsól hennar hefur risið hratt undanfarið en á dögunum hlaut hún tvær óskarsverðlaunatilnefningar fyrir kvikmyndina Past Lives. Var myndin tilnefnd sem besta myndin og fyrir besta handritið.

Aðdáendur Laufeyjar og Song eru að missa sig yfir frumsýningunni en töluverður fjöldi beið í stafrænni röð eftir að því að það yrði sett í loftið.