Hún tók eftir því að kærasti hennar væri í áskrift hjá OnlyFans en þegar hún komst að því hjá hverri hann væri í áskrift fór veröld hennar á hvolf.
Simone sagði nýlega sögu sína í myndbandi á TikTok sem hefur vakið mikla athygli. Þetta allt skeði fyrir nokkrum árum, þegar OnlyFans var frekar nýtt af nálinni.
„Ég vissi að eitthvað væri í gangi, það var eitthvað grunsamlegt við þennan gæja,“ segir hún um fyrrverandi kærasta sinn.
„Hann dýrkaði systur sína og systir hans hataði mig, af einhverri ástæðu,“ segir hún.
Simone sá tækifæri þegar kærastinn fór á klósettið og skildi eftir símann sinn frammi, ólæstan. Hún fór í gegnum tölvupóstinn hans og fann þar reikning frá OnlyFans sem sýndi að kærastinn hennar væri í áskrift.
„Svo sá ég hjá hverri hann var í áskrift hjá… systur sinni.“
Simone talaði við hann um leið og hann kom út af baðherberginu.
„Hann fór strax í vörn og lét eins og hann væri fórnarlambið,“ segir hún.
„Ég spurði af hverju hann væri í áskrift hjá systur sinni og hann sagði: „Ég var bara að athuga hvað hún væri að gera á síðunni, hún á ekki að vera að þessu. Bla, bla, foreldrar mínir sögðu mér að gera þetta.“ Höfum það á hreinu að umrædd systir er eldri en hann og bjó ekki lengur í foreldrahúsum.“
Simone segir að hún hafi á þessum tímapunkti ákveðið að fara og segja þetta gott. „Öll fjölskylda hans var þarna og heyrði okkur rífast,“ segir hún.
@siiimiii Replying to @Natalie Jean 🌹 which story next?? #fyp #caught #cheating #storytime ♬ Jazz Bossa Nova – TOKYO Lonesome Blue
Simone fékk stuttu seinna símtal frá frænda fyrrverandi kærastans sem hafði heyrt af atvikinu.
„Hann sagði mér að minn fyrrverandi og systir hans væru að gera óviðeigandi hluti saman og hefðu verið að gera það í einhvern tíma. Hann sagði að það væri myndband af þeim á OnlyFans-síðu hennar, það sæist ekki í andlit fyrrverandi kærasta míns en fólk sem þekkir hann fattar alveg að þetta sé hann.“
