Fyrrverandi eiginkona leikarans Kevin Costner, Christine Baumgartner, hefur fundið ástina að nýju, fjórum mánuðum eftir að hatrömmum skilnaði þeirra Costner lauk, en skilnaðurinn fór ítrekað fyrir dómstóla og var fjallað um hann í öllum miðlum.

Nýji maðurinn er nágranni þeirra, Josh Connor, fjárfestir og framkvæmdastjóri. Greina miðlar vestanhafs frá því að þau hafi ferðast saman um jólin og flogið með einkaþotu til Hawaii. Turtildúfurnar búa stutt frá hver annarri í Montecito og sást til Baumcartner skutla sínum heittelskaða heim. 

Connor, skildi við fyrrum eiginkonu sína í byrjun árs 2023, en þau eiga þrjú börn saman. Skilnaðurinn var staðfestur 3. janúar 2023, aðeins fimm mánuðum áður en Baumgartner kom Costner í opna skjöldu með því að sækja um skilnað. Costner og Baumcartner eiga þrjú börn saman.

DailyMail greinir frá því að Baumcartner og Connor hafi verið mynduð saman í fríi á Hawaii í júlí, í fylgd með dóttur Baumcartner og dóttur Connor. Í skilnaðarmáli Baumcartner og Costner kom í ljós að Connor hafi lánað Baumcartner 20 þúsund dali. Baumgartner neitaði þá ásökunum Costner um að hún væri komin í samband við Connor, eiðsvarin fyrir dómstóli í ágúst síðastliðnum. Fyrir dómi sagði tárvot Baumgartner að hún og Connor væru bara góðir vinir og sagðist hún hafa deilt herbergi með vinkonu sinni í júlífríinu, sem hún viðurkenndi að hefði verið fjármagnað af Connor. Hún var síðan neydd til að útskýra lánið frá Connor og sagðist hún hafa greitt helming til móður sinnar og endurgreitt hinn hlutann. 

Á sama tíma var Costner að greiða henni 5 þúsund dali mánaðarlega til að hjálpa foreldrum hennar, en hætti þeim greiðslum þegar Baumcartner óskaði eftir skilnaði.

DailyMail hefur það samkvæmt heimildarmanni að parið hafi ferðast saman í desember. „Þau eru saman og hafa verið í nokkurn tíma. Þau vörðu tíma fyrir jólin saman á Hawaii á meðan Kevin var væntanlega í Aspen með krökkunum. Þau fóru líka saman til New York. Hún hefur ekki verið að gera mikið til að fela ástarsambandið fyrir vinum sínum.“

Samkvæmt heimildarmanninum kynntust Baumcartner og Connor í gegnum dætur þeirra sem eru jafngamlar og vinkonur.