Woodley, sem sló í gegn í kvikmyndinni Divergent og hefur leikið stórleik í þáttunum Big Little Lies, ræddi um málið í hlaðvarpinu She MD á dögunum.
Hún sagðist ekki vera hrifin af því hvernig klám í Bandaríkjunum sýnir kynlíf. Hún líkti því við „beikon sem lafir fyrir framan hund.“
„Hvernig kynlíf er framsett í þessu landi er svo mikill tilbúningur, þetta er einhver frammistaða í stað þess að vera alvöru nánd, viðkvæmni og tenging.“
Woodley sagðist sjálf vera mjög munúðarfull manneskja (e. sexual person). Hún sagði að fólk átti sig oft ekki á því að það væri að njóta eins konar „skyndibitaútgáfu“ af kynlífi þegar það er að horfa á klám.
„Ef fólk vissi hvað er hægt að gera með kynlífi þá myndi það horfa á klám og segja: „Ó guð, þetta er eins og skyndibitamatur.“
„Ánægja er svo mikilvæg en við erum að svindla á hvort öðru, því við vitum ekki hvað er mögulegt. Og það er það sem ég tel vera stóra vandamálið við klám, það er verið að selja öllum McDonalds þegar þú gætir haft [það miklu betra].“
Í þættinum sagði Woodley að hún hafi verið heppin að læra á sig sjálfa og kynnast nánd með réttri manneskju þegar hún var yngri.
„Ég var mjög heppin þegar ég var yngri að fá að uppgötva líkama minn og mig sjálfa með maka sem elskaði að dansa. Ég kalla alltaf kynlíf dans því þetta er dans. Við erum að skipta á orku. Stundum er dansinn hraður tangó, stundum er hann mjög hægur groove, stundum er hann hávær og stundum er hann mjúkur.“
Leikkonan sagði að það hafi skipt máli hvað henni hafi liðið vel með þáverandi maka.
„Ég stundum vildi óska þess að ég gæti séð um kynfræðslu, ekki að ég myndi kenna, heldur myndi ég vilja hjálpa til við að laga fræðsluna sjálfa.“
Leikkonan var síðast í sambandi með NFL-stjörnunni Aaron Rodgers. Leiðir þeirra skildu í febrúar 2022.
