Söng- og leikkonan Jennifer Lopez sótti um skilnað frá leikaranum og leikstjóranum Ben Affleck á öðru brúðkaupsafmæli þeirra, þann 20. ágúst síðastliðinn.
Hjónin tóku saman aftur árið 2021 eftir um sautján ára aðskilnað. Þau byrjuðu fyrst saman árið 2002 og var mikið fjölmiðlafár í kringum samband þeirra. Þau trúlofuðust ári seinna en slitu sambandinu í lok árs 2003, örfáum dögum áður en þau ætluðu að ganga í það heilaga.
Sjá einnig: Sagður vera kominn til vits og ára um samband hans og Jennifer Lopez – „Þetta mun aldrei virka“
Nú greina erlendir fréttamiðlar frá því að Jennifer gæti verið í vandræðum þar sem þau skrifuðu ekki undir kaupmála fyrir brúðkaupið og hún er talsvert efnaðri og tekjuhærri en eiginmaðurinn.
Jennifer er metin á 400 milljónir dala, eða rúmlega 55 milljarða króna, og Ben er metinn á 150 milljónir dala, eða um 20,6 milljarða.
Kaupmáli er samningur á milli hjóna til að tilgreina þær séreignir sem annar hvor aðilinn á og tilheyra ekki félagsbúi hjónanna.
Jennifer sótti sjálf um skilnað, hún lagði sjálf fram skjölin en ekki lögfræðingur fyrir hennar hönd. Hún sagði að þau hafa verið skilin að borði og sæng síðan í apríl 2024. Það kemur hvergi fram í skjölunum að þau hafi skrifað undir kaupmála og samkvæmt TMZ er enginn slíkur samningur á borðinu.
Það þýðir að allt sem þau þénuðu eða græddu á meðan þau voru gift er sameiginleg eign þeirra beggja.
Þau hafa bæði sinnt ýmsum verkefnum undanfarin tvö ár. Ben lék í myndunum „Air“ og „Hypnotic“. Hann framleiddi einnig „The Instigators.“ Hann lauk einnig tökum á „The Accountant 2“ fyrir nokkrum dögum.
Jennifer lék í „Shotgun Wedding,“ „The Mother“, „Atlas“og „This Is Me… Now.“
Það sem kemur mörgum á óvart er að þau hafi ekki ákveðið að skrifa undir kaupmála, þar sem þetta er fjórða hjónaband J.Lo og annað hjónaband Ben.
Samkvæmt skilnaðarskjölum afsalaði Jennifer rétti til makaframfærslu og bað dómarann um að neita Ben um slíkt hið sama.
