Um 2500 konur tóku boði lífsþjálfans og fegurðardrottningarinnar Lindu Pétursdóttur um að læra skothelda aðferð til að ná sér upp úr sporum vanans og verða óstöðvandi í vetur. 

Linda hefur í mörg ár kennt námskeið sem hún nefnir Lífið með Lindu Pé (LMLP prógrammið) sem er fyrir konur sem vilja styrkja sjálfsmynd sína, losa sig við aukakílóin og bæta líf sitt, auk styttri námskeiða.

Linda ákvað nýlega að bjóða upp á ókeypis þriggja daga námskeið, sem hún nefndi Óstöðvandi og þáðu hundruðir kvenna boðið og skráðu sig. Námskeiðið er þriggja daga námskeið sem Linda býður konum upp á gjaldfrjálst í samnefndum Facebook-hópi.

„Þessi vinna sem ég vinn við í dag að vera lífsþjálfi er mest gefandi og skemmtilegasta vinna sem ég hef unnið á ævi minni. Ég elska að aðstoða ykkur, íslenskumælandi konur, til þess að bæta líf ykkar á einn eða annan hátt.“

Þriggja kvölda námskeið með vinnubókum

Námskeiðið hófst í gærkvöldi og verður síðan í kvöld, þriðjudagskvöld, og miðvikudagskvöld. Linda kemur einnig inn í hádeginu þriðjudag og miðvikudag til að svara spurningum þátttakenda. Námskeiðið fer fram í lokuðum Facebook-hópi sem verður opinn fram að eða yfir næstu helgi. Þátttakendur fá jafnframt vinnubók daglega í pdf-skjali, sem hver og ein svarar fyrir sig. 

„Það er kominn tími til mín kæra að þú verðir konan sem þú ætlaðir alltaf að vera, farsæl, óstöðvandi og að lifa draumalífinu, af því tíminn þinn er akkúrat núna. Ég bjó þetta námskeið til með þig í huga,“ segir Linda.

„Ég ætla að kenna þér að setjast í bílstjórasætið í þínu lífi, og gera loks þær breytingar sem þú þráir svo þú getir orðið algerlega óstöðvandi.“

Linda hefur starfað í sjálfsræktarheiminum á einn eða annan hátt í yfir 30 ár og segist hún hafa lært margt á þeim tíma, en hún segist ekki hafa sig á því til fulls hvernig þetta virkar allt saman fyrr en hún lærði lífsþjálfun.

„Ohh mér þykir svo vænt um ykkur, þið eruð svo með þetta,“ segir Linda um þátttöku kvennanna fyrsta kvöldið. 

Það er enn hægt að vera með og allar upplýsingar má finna hér.