Hljómsveitin Skítamórall tók þriggja kvölda tónleikaröð á tónleikasalnum Sviðinu í heimabænum sínum Selfossi yfir Hvítasunnuna. Hljómsveitin hefur ekki komið saman síðan sumarið 2021 og það var á bæjarhátíðinni Kótilettunni á Selfossi. Það var greinilega kominn tími á tónleika hjá drengjunm því fullt var út úr dyrum öll kvöldin og komust mun færri að en vildiu augardags- og sunnudagskvöld.
„Það var smá skjálfti í okkur fyrir þetta þar sem þetta er tónleikauppsetning og spilað frá níu til miðnættis en ekki þessi hefðbundni balltími frá miðnætti. Við byrjuðum að æfa saman fyrir tveimur vikum og vildum gera þetta vel og við erum afskaplega þakklátir þessum frábæru viðtökum, “ sagði Gunnar Ólason söngvari og gítarleikari eftir síðustu tónleikann. Sérstakur gestur drengjanna öll kvöldin var Ólafur, Óli Bach, Bachmann trommari og söngvari. Óli söng meðal annars lagið Minning um mann sem hann söng upprunalega með hljómsveitinni Logum frá Vestmanneyjum. Lagið er eftir Gylfa Ægisson en það kom út árið 1973 og er því 50 ára í ár. Óli á nú aðeins í hljómsveitinni að eigin sögn enda pabbi Jóhanns, Hanna Bach, Bachmannn trommara Skítamórals. Óli kom víða við í tónlistinni en fyrir utan Loga trommaði hann með hljómsveitunum Mánum, Hljómsveit Stefáns P og Karma svo einhverjar sveitanna séu upptaldar. Gestirnir stigu trylltan dans allan tímann og margir hverjir mættu í Buffalóskóm til að setja punktinn á i-ið þessi kvöld.
Mummi Lú myndaði fjörið á sunnudagskvöld.