Raunveruleikastjarnan Khloé Kardashian eignaðist son í september í fyrra með aðstoð staðgöngumóður. Faðirinn er körfuboltakappinn Tristan Thompson. Fyrir áttu þau dótturina True, 5 ára.

Khloé og Tristan eru nýbúin að taka saman aftur, en þau hættu saman í janúar í fyrra eftir að upp komst um enn annað framhjáhald Tristan. En í þetta sinn hafði hann feðrað barn með annarri konu. Þau voru þegar byrjuð í barneignaferli en voru hætt saman þegar sonurinn fæddist. Í apríl greindu miðlar vestanhafs frá því að þau væru farin að stinga saman nefjum á ný og hefur Kardashian-fjölskyldan mætt á körfuboltaleiki hjá honum.

Drengurinn er níu mánaða og hefur Khloé loks afhjúpað nafnið. Hann heitir Tatum en raunveruleikastjarnan vildi halda í hefðina um að nafnið byrji á „T“ eins og hjá systur hans.

Í nýjasta þætti af The Kardashians, sem var tekinn upp síðasta haust, opnaði Khloé sig um að hún ætti erfiðara með að tengjast Tatum en True þegar hún var á hans aldri.

„Þetta ruglar í hausnum á manni, þetta er svo skrýtið,“ sagði hún og vísaði þá í staðgönguferlið.