Ragga er klínískur heilsusálfræðingur, pistlahöfundur og einkaþjálfari. Hún er virk á samfélagsmiðlum og skrifar um heilsu á mannamáli. Pistlar hennar hafa slegið í gegn um árabil og í þeim nýjasta ræðir hún um fitutap og hvað hún telur vera vanmetnasta verkfærið fyrir það.
„Að borða hægt er vanmetnasta verkfærið fyrir fitutap. En jafnframt eitt það einfaldasta og aðgengilegasta og þú getur haldið þig við…. að eilífu amen. Sama hvað þú ert að gúlla í ginið, hvenær þú borðar, hvar þú ert staddur í veröldinni, eða með hverjum þú snæðir,“ segir Ragga.
Hún vísar í ónefnda rannsókn og segir að rannsóknin hafi sýnt að borða hægar sé mjög áhrifarík aðferð til að draga úr hitaeininganeyslu.
„Rannsóknin skipti þátttakendum í tvo hópa, þar sem 600 hitaeininga máltíð af makkarónum og osti var annaðhovrt snædd á 24 mínútum (HÆGT) eða á 6 mínútum (HRATT). Fólk átti að fylgja píphljóði með að taka ákveðið stóra bita, þeir sem borðuðu hægt tóku bita á 24 sekúndna fresti á meðan hinn hópurinn tók tvöfalt stærri bita á 12 sekúndna fresti. Strax eftir máltíð var mælt hvort hraðinn hefði áhrif á seddu og ánægju með máltíð.
Einnig voru gerðar mælingar á 30 mínútna fresti á matarlyst, YY-peptíði og svengdarhormóninu Ghrelin. Þremur tímum eftir máltíðina fékk fólk snarl af smákökum og snakki og mátti borða eins mikið og þau vildu eða þangað til þau voru þægilega södd.
Niðurstöðurnar sýndu að tveim tímum eftir máltíð var hægi hópurinn var ánægðari og saddari og voru nákvæmari í hversu stór skammturinn hafði verið. Hægi hópurinn sýndi meiri dempun á svengdarhormóninu Ghrelin. Hraði hópurinn sýndi hærra hlutfall af flökurleika eftir máltíð.
Í snarlinu þremur tímum seinna innbyrti hraði hópurinn 145 hitaeiningum meira en hægi hópurinn. Ef við borðum minna í snarli allavega tvisvar á dag og margföldum það með 365 dögum ársins þá erum við að horfa á að borða ósjálfrátt minna…. enginn viljastyrkur eða sjálfsagi.
Það er líka sorglegt að við eyðum fleiri klukkustundum, jafnvel sólarhringum og dögum í að hugsa um mat. Versla hráefni. Elda matinn. Skera. Preppa. Undirbúa. Leggja á borð. Ganga frá eftir mat.“
Ragga gefur nokkur ráð til að hægja á sér við að borða.
Lestu pistilinn hennar í heild sinni hér ásamt öðru efni frá Röggu Nagla.