Ingunn Lára Kristjánsdóttir, TikTokfréttamaður á RÚV, hefur sett íbúð sína í Hvassaleiti á sölu. Ingunn Lára deilir tíðindunum í Facebook-færslu með texta sem miðlar nota oft við slíkar fréttir: „Ingunn Lára selur slotið: Sjáið myndirnar! Þið trúið aldrei hvað gerðist næst. Glæsileg íbúð í Hvassaleiti til sölu. Besta heimilið sem verður erfitt að kveðja.
** Frábær staðsetning ** Þrjú svefnherbergi ** Glæsilegt útsýni“
Við á Fókus höfum fulla trú á að næst gerist það að íbúðin selst og Ingunn pakkar og flytur.
Um er að ræða 112,6 fm eign, þar af er bílskúr 20,3 m2. Íbúðinni sem er á jarðhæð hefur verið breytt frá upprunalegum teikningum.
Eignin skiptist í hol, eldhús, stofu með útgengi á svalir, þrjú svefnherbergi og baðherbergi. Húsfélagið á íbúð á jarðhæð sem þau leigja út og renna leigutekjur í hússjóð.
Þú getur lesið nánar um eignina og skoðað fleiri myndir á fasteignavef DV.
