„Oh, svo heitt vatn að umlykja líkama þinn lætur þér líða vel? Ég er Mattman.“ Á þessa leið hljóðuðu síðustu skilaboð stórleikarans Matthew Perry sem hann birti á Instagram-síðu sinni tæpri viku fyrir andlát sitt. Á meðfylgjandi mynd með færslunni sést hann með stór heyrnartól slaka á í heitum potti.
Ljóst er að Perry, sem fannst látinn í heitum potti á heimili sínu þann 28. október síðastliðinn, glímdi við mikla erfiðleika og innri djöfla.
Auk baráttu sinnar við margskonar fíkn hafi Perry glímt við mikinn einmannleika sem að hafi skert lífsgæði hans verulega.
Þetta kemur fram í umfjöllun New York Post. Þar kemur fram að Perry, sem efnaðist gríðarlega við gerð Friends-þáttanna sem gerðu hann heimsfrægan, hafi fyrir óvænt dauðsfall sitt verið að draga úr fasteignaeign sinni. Þannig hafi hann selt stóra höll í sinni eigu fyrir háa upphæð en þess í stað keypt sér hóflegan bústað við ströndina. Í miðjum Covid-faraldrinum keypti hann bústað á 6 milljónir bandaríkja dollara eftir að hafa selt ógnarstórt glæsihýsi á rúmlega 13 milljónir dollara.
Þá keypti Perry glæsilega penthouse-íbúð í Los Angeles á 20 milljónir dollara árið 2017. Eftir að hafa farið fram á 35 milljónir dollara fyrir eignina, í miðjum Covid-faraldri, þá seldi hann hana að lokum á rúmlega 21 milljónir dollara. Kaupandinn var heimsþekkt stjórstjarna, söngkonan Rihanna.
Hvað markmiðið var skalt ósagt látið en ljóst er að stórstjörnunni leið ekki vel.
„Hann var með hjarta úr gulli og var að gera sitt besta til að hjálpa honum. En hann glímdi við einmannaleika. Hann eyddi dögunum á heimi sínum og var mjög einmanna,“ sagði heimildarmaður New York Post.
View this post on Instagram
