Athafnamaðurinn Nökkvi Fjalar Orrason og samfélagsmiðlastjarnan Embla Wigum eru hætt saman samkvæmt öruggum heimildum DV.
Fyrst var greint frá sambandi þeirra vorið 2022. Þau eru nú farin í sitthvora áttina en halda í vináttuna.
Nökkvi Fjalar er athafnamaður og frumkvöðull og einn stofnanda umboðsskrifstofunnar Swipe Media, þar sem Embla var á skrá en þannig kynntist parið. Nökkvi kvaddi fyrirtækið í mars á þessu ári.
Embla Wigum er ein stærsta samfélagsmiðlastjarna okkar Íslendinga, hún er með yfir 2,5 milljón fylgjendur á TikTok og rúmlega 200 þúsund fylgjendur á Instagram.
Fókus óskar þeim velfarnaðar á þessum tímamótum.
