Hjónin Guðjón Valdi­mars­son vopnasali og Ing­unn Þor­steins­dótt­ir, hafa sett einbýlishús sitt við Skógarás 12 í Hafnarfirði á sölu. Mbl greindi frá.

Húsið er 349,5 fm á tveimur hæðum með innbyggðum mjög rúmgóðum bílskúr og möguleika á aukaíbúð á neðri hæð. Húsið var byggt árið 2008, teiknað af Vífli Magnús­syni arki­tekt og hafa hjónin búið í húsinu fra upphafi. 

Húsið skiptist í forstofu, hol, gestasnyrtingu, eldhús, borðstofu, arinstofu, og svefnherbergi á efri hæð. Á neðri hæð er stofa, sjónvarpsstofa, hjónaherbergi með baðherbergi og fataherbergi, tvö svefnherbergi, líkamsræktarherbergi, baðherbergi, tvær geymslur og gang. 

Í miðju hús­inu er stofa sem hægt er að horfa niður í af efri hæðinni. Þessi stofa stát­ar af tvö­faldri loft­hæð sem ger­ir húsið kon­ung­legt. Auk­in loft­hæð er í flest­um rým­um húss­ins og er þar að finna inn­fellda lýs­ingu í nán­ast öll­um loft­um. 

Guðjón rek­ur vef­versl­un­ina vopna­sal­inn.net og komst í frétt­ir í lok síðasta árs í tengsl­um við víðtæka rann­sókn á fyrsta hryðju­verka­málinu sem komið hefur upp hér á landi.

Sjá einnig: Faðir ríkislögreglustjóra smíðaði og seldi ólöglega riffla

Nánari upplýsingar um eignina má finna hér.