Raunveruleikastjarnan Kylie Jenner og leikarinn Timothée Chalamet eru sögð vera að stinga saman nefjum. Fyrstu sögusagnir fóru á kreik í apríl og er óhætt að segja að aðdáendur hafi brugðist hart við.
Aðdáendur leikarans skrifuðu athugasemdir á Instagram-síðu hans og grátbáðu hann um að falla ekki fyrir „Kardashian/Jenner bölvuninni.“
Chalamet var áður í sambandi með leikkonunni og fyrirsætunni Lily-Rose Depp og Lourdes Leon, dóttur Madonnu.
Kylie Jenner sleit sambandi sínu við barnsföður sinn, Travis Scott, í desember í fyrra. Saman eiga þau tvö börn. Raunveruleikastjarnan og leikarinn eru sögð hafa byrjað að slá sér upp saman í janúar.
Þau hafa farið mjög leynt með sambandið og haldið sig frá sviðsljósinu. Page Six birtir fyrstu myndirnar af þeim saman, en paparazzi ljósmyndarar hafa elt parið á röndum undanfarnar vikur og er þetta í fyrsta skipti sem þeim tekst að ná myndum af þeim saman.
Timothée Chalamet and Kylie Jenner recently (via Page Six) pic.twitter.com/HvO2MWfFCE
— Timothée Chalamet Fans (@TimotheeUpdates) June 1, 2023
Þau virðast hafa tekið sambandið á næsta stig og hafa hitt fjölskyldur hvors annars en á umræddum degi sem myndirnar voru teknar voru systur þeirra, Kendall Jenner og Pauline Chalamet, með þeim.
Heimildarmaður Page Six sagði í apríl að það hafi verið engin alvara á milli þeirra en samkvæmt miðlinum hefur ýmislegt breyst undanfarinn mánuð og nú verja þau hverjum degi saman.
Kylie Jenner, Timothée Chalamet seen together for first time since dating rumors — with their famous sisters https://t.co/eYytIPjnwU pic.twitter.com/UjsUhhlC2q
— Page Six (@PageSix) June 1, 2023
