„Ég hef miklar áhyggjur af því að nágrannakonan mín eigi eftir að afhjúpa leyndarmálið mitt,“ segir karlmaður í örvæntingarfullu bréfi til kynlífs- og sambandsráðgjafa The Sun.

„Ég bókaði vændiskonu í gegnum sömu síðu og ég nota alltaf, en komst of seint að því að þetta er nágrannakonan mín.“

Maðurinn er 44 ára og segir að „guðdómlega konan mín er 41 árs.“

„Hjónabandið okkar er mjög gott og við eigum þrjá frábæra krakka en við stundum lítið sem ekkert kynlíf. Hún finnur stundum fyrir sársauka við samfarir eftir erfiða fæðingu þriðjar sonar okkar,“ segir hann.

Konan hans fer stundum með börnin að heimsækja foreldra hennar yfir hátíðarnar. „Þá nýti ég tækifærið og panta vændiskonu. Ég fer með þeim út að borða og ef allt gengur vel þá stundum við kynlíf heima.“

Síðustu páska fór eiginkona hans með krakkana til foreldra sinna í nokkra daga. „Þannig ég heimsótti sömu síðu og venjulega og pantaði mér vændiskonu fyrir laugardagskvöldið. Um leið og hún gekk inn þá fannst mér hún kunnugleg en vissi ekki hvaðan, þannig ég hélt ég kannaðist bara við hana af myndunum á vefsíðunni. Okkur kom vel saman og hún sagði mér að hún væri einstæð móðir, 33 ára. Við fórum svo heim til mín og kynlífið var frábært. Ég borgaði henni og sagðist geta skutlað henni heim og hún sagði: „Engar áhyggjur, ég labba.““

Þá kom í ljós að hún átti heima neðar í sömu götu og hann.

„Ég fékk vægt áfall. Krakkarnir okkar fara í sama skóla. Mér var mjög brugðið en hún hló bara og sagði mér að hafa engar áhyggjur, en mér fannst hún ekki sannfærandi,“ segir maðurinn.

„Ég er hræddur um að hún muni segja eiginkonu minni frá þessu. En það versta er að hún er svo heit og ég óttast að ég eigi ekki eftir að geta staðist freistinguna um að endurtaka leikinn.“

Deidre svarar og gefur manninum ráð

„Þú ert kjáni ef þú gerir það. Skortur á kynlífi er engin ástæða til að halda framhjá. Eiginkona þín verðskuldar betra en þetta. Ef þú vilt að hjónabandið gangi upp þá verðurðu að hætta öllu hinu,“ segir hún.

„Þú skalt forðast þessa vændiskonu og allt annað kynlífsverkafólk og byrja að hugsa um kynlíf sem eitthvað dýrmætt milli þín og eiginkonu þinnar. Ég mæli með að hvetja eiginkonu þínu að leita til kvensjúkdómalæknis vegna sársaukans.“