Sigmar Vilhjálmsson eigandi Minigarðsins, stjórnarmaður Atvinnufjelagsins og stjórnandi hlaðvarpsins 70 mínútur, hefur sett hús sitt við Kvíslartungu 60 í Mosfellsbæ á sölu.
„Húsið mitt fór í sölu í dag. Get vottað gríðarlega góða nágranna og einstaklega fjölskylduvænt umhverfi,“ skrifar Sigmar í færslu á Facebook. Sigmar setur 149,5 milljónir króna á húsið.
Eignin er sex herbergja endaraðhús á tveimur hæðum, byggt árið 2008, með bílskúr og gufuhúsi. Í bakgarði má finna bæði heitan og kaldan pott. Eignin skiptist í: Neðri hæð: forstofu, bílskúr, gestasnyrtingu, eldhús, stofu/borðstofu og sjónvarpsstofu. Efri hæð skiptist í: Hjónaherbergi með fataherbergi, þrjú barnaherbergi, baðherbergi og þvottahús.
Nánari upplýsingar um eignina má finna hér.
