fbpx
Sunnudagur 30.nóvember 2025
Fókus

Héldu krúttkönguló sem gæludýr í Kópavogi

Fókus
Föstudaginn 17. febrúar 2023 11:10

Krúttkönguló ber nafn með rentu

Ekki missa af Helstu tíðindum dagsins í pósthólfið þitt

Lesa nánar

Skordýrafræðingurinn Erling Ólafsson heldur úti Facebook-síðunni vinsælu Heimur Smádýranna þar sem hann birtir reglulega skemmtilega mola um smádýr á Íslandi, hvort sem þau hafa hér fasta búsetu eða hafa haldið í óvænt ferðalög á norðlægar slóðir.

Einn slíkur ferðalangur barst Erling síðast sumar en um var að ræða útlenska stökkkönguló sem hafði borist með ítölskum eplum inn á heimili í Kópavogi. Það er misjafnt hvernig fólk tekur slíkum gestum en á þessu tiltekna heimili var köngulónni tekið fagnandi og var hún umsvifalaust gerð að gæludýri heimilisins og vel fyrir henni séð. Enda ekki vanþörf á enda bar hún óvænta gesti undir belti.

„Að tveim mánuðum liðnum fór að birtast örsmátt ungviði í búrinu, köngulóin hafði nefnilega verpt eggjum í spunahjúp á milli blaða á plastplöntu í búrinu. Þá var hún mér færð til frekari skoðunar. Hélt ég henni áfram lifandi þar til yfir lauk. Þá fyrst gafst færi á að skoða nauðsynleg smáatriði og greina tegundina sem reyndist ættuð frá löndum í Suðvestur-Evrópu,“ skrifaði Erling í skemmtilegri færslu í morgun.

Að hans mati er um snotra litla könguló að ræða sem var hvers manns hugljúfi á heimilinu í Kópavogi. Þó vantaði tilfinnanlega íslenskt heiti á dýrið og að mati Erlings blasti heitið við – krúttkönguló skyldi tegundin heita.

Ekki voru alveg allir fylgjendur Heims smádýranna á sama máli um hversu falleg eða krúttleg köngulóin væri og einn maldaði í móinn sem skordýrafræðingurinn svaraði svo. „Hvaða vitleysa, sjáðu augnsvipinn!“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Fyrrverandi eiginmaður Jóhönnu Guðrúnar allt annað en sáttur með Mannlíf – „Fyrirgefið, þetta er bara ofbeldi“

Fyrrverandi eiginmaður Jóhönnu Guðrúnar allt annað en sáttur með Mannlíf – „Fyrirgefið, þetta er bara ofbeldi“
Fókus
Fyrir 3 dögum

Konungsfjölskyldan brjáluð yfir teboði prinsessunnar

Konungsfjölskyldan brjáluð yfir teboði prinsessunnar
Fókus
Fyrir 5 dögum

Hún var aðeins 26 kíló þegar hún byrjaði í ræktinni – Sjáðu hana í dag

Hún var aðeins 26 kíló þegar hún byrjaði í ræktinni – Sjáðu hana í dag
Fókus
Fyrir 5 dögum

Rýfur þögnina um umdeilda faðmlagið sem setti allt á hliðina

Rýfur þögnina um umdeilda faðmlagið sem setti allt á hliðina
Fókus
Fyrir 5 dögum

Simmi á leið í áfengismeðferð – „Ég var að nota áfengi sem flóttaleið“

Simmi á leið í áfengismeðferð – „Ég var að nota áfengi sem flóttaleið“
Fókus
Fyrir 5 dögum

Segir að Díana prinsessa hafi verið beitt grófum blekkingum og að viðbrögð BBC hafi leitt til dauða hennar – „Afleiðingarnar voru banvænar“

Segir að Díana prinsessa hafi verið beitt grófum blekkingum og að viðbrögð BBC hafi leitt til dauða hennar – „Afleiðingarnar voru banvænar“