Napóleónsskjölin var frumsýnd um helgina og er myndin sú aðsóknarmesta eftir helgina en 5000 gestir stormuðu í bíó í vonda veðrinu á þessa æsispennandi mynd sem byggð er á samnefndri metsölubók eftir Arnald Indriðason.
Strangar reglur um notkun hakakrossins
Óskar Þór Axelsson leikstjóri myndarinnar er gestur Einars Bárðarsonar í hlaðvarpi hans Einmitt. Þar ræða þeir meðal annars arfleið nasistanna og hvernig má fara með hana. Í Þýskalandi gilda mjög strangar reglur um það hvernig stilla má hakakrossinum fram. „Þetta er bara í lögum. Þeir mega ekki vera með hakakrossinn á plakati til dæmis,“ segir Óskar. „Það má ekki nota hann í auglýsingaskyni en hann er auðvitað partur af myndinni.“
Þýskir aðalframleiðendur á bak við myndina
Söguþráðurinn bókarinnar snýst um það hvernig þýsk flugvél sem hvarf á síðustu dögum seinni heimsstyrjaldarinnar kemur skyndilega fram og atburðarásin er öll í kringum það. Arnaldur Indriðason hefur notið mikilla vinsælda í Þýskalandi og Napóleonsskjölin er ein hans mest selda bók þar og aðalframleiðendur myndarinnar eru þýskir.
Ekki stoltustu dagar þýsku þjóðarinnar
Þrátt fyrir að þetta séu ekki stoltustu dagar þýsku þjóðarinnar þá segir Óskar þeir hafa mikinn áhuga á þessum tíma. „Þess vegna gekk þessi bók svona vel.“ Þannig gerir Óskar sér væntingar um velgengni myndarinnar í Þýskalandi þegar hún verður frumsýnd þar. Fyrri myndir hans eru Svartur á Leik og Ég man þig sem nutu báðar mikilla vinsælda.
Einar kallar ekki allt ömmu sína þegar kemur að markaðssetningu og hefur nánast klippt sig inn í stiklu myndarinnar til að kynna þáttinn með Óskari.
View this post on Instagram
