Norska parið Tor Eivind Grude og Christian Bakke vann sigur í tvímenningskeppni Bridgehátíðar í Hörpu í gærkvöld. Um 700 spilarar taka þátt í Bridgehátíð og eru margir af bestu spilurum heims á meðal keppenda. 60 ára aldursmunur er á yngsta og elsta keppandanum.
Þetta var kærkominn sigur hjá þeim norsku því þeir leiddu mótið í fyrsta sinn á lokakaflanum og tryggðu sér sigur með 57,6% skor. Íslenska parið, Gunnlaugur Karlsson og Kjartan Ingvarsson höfnuðu í öðru sæti mjög stutt á eftir með 57,2% skor. Þýskaparið Sabine Auken og Roy Wellandsem höfðu leitt mótið allangan tíma, þurfti að sætta sig við að detta niður í þriðja sæti með 57,2% skor, aðeins fyrir neðan Gunnlaug og Kjartan. Íslendingarnir Birkir Jón Jónsson og Matthías Gísli Þorvaldsson náðu fimmta sæti með 56,7%
skor.
Sveitakeppnin á Bridgehátíð hófst klukkan 11.00 í morgun en henni líkur á morgun, sunnudag.
Tíu efstu pörin tvímenningskeppni í voru þessi.
1. 57,6% Tor Eivind Grude – Christian Bakke
2. 57,2% Gunnlaugur Karlsson – Kjartan Ingvarsson
3. 57,2% Sabine Auken – Roy Welland
4. 56,8% Jostein Sørvoll – Svein Arild Naas Olsen
5. 56,7% Birkir Jón Jónsson – Matthías Þorvaldsson
6. 56,3% Hjördís Eyþórsdóttir – Janice Seamon-Molson
7. 56,2% Julius Sigurjonsson – Frederic Wrang
8. 55,7% Gunnar Hallberg – Simon Hult
9. 55,3% Bragi Hauksson – Helgi Jónsson
10. 55,2% Andrew McIntosh – Tom Paske
