Fyrirsætan Emily Ratajkowski hefur verið harðlega gagnrýnd fyrir myndir sem hún birti af sér og eins árs syni sínum í baði á Instagram.
Þau er bæði nakin á myndunum, en Emily liggur þannig að brjóst og kynfæri hennar eru hulin og hún teiknaði lítið hjarta á myndina til að hylja rass drengsins.
Fylgjendur hennar á miðlinum hafa ausið úr skálum reiði sinnar yfir henni og gagnrýnt hana fyrir að brjóta gegn friðhelgi einkalífs sonar hennar.
„Af hverju í fjandanum ertu að taka myndir af þér og nöktum syni þínum. Hvað ertu eiginlega tilbúin að gera fyrir „likes“ og athygli,“ sagði einn netverji.
View this post on Instagram
„Þetta er ekki í lagi. Mér er sama hversu sæt þú ert,“ sagði annar.
„Þetta er svo skrýtið. Allt í góðu með að fara í sturtu með stráknum þínum, en að stilla þér upp nakin með honum og svo deila því. Svo skrýtið,“ segir netverji.
„Síðan hvenær var það eðlilegt að setja nektarmyndir af börnum á netið? Perrar þurfa ekki lengur að nota djúpvefinn,“ bendir einn netverji á.
Aðdáendur komu henni til varnar og sögðu einfaldlega um fallega stund milli mæðgina væri að ræða og að fólk ætti ekki að hlutgera hana.
Erlendir miðlar hafa greint frá gagnrýninni en fyrirsætan hefur ekki tjáð sig um málið að svo stöddu.