Rúmlega 800 Íslendingar sögðust langa prófa að fara í „stórt kynsvall“ og tæplega 190 karlmenn sögðust vilja að konan sín myndi ríða þeim í endaþarm með gervilim.

Þetta kemur fram í niðurstöðum könnunar á vegum kynlífstækjaverslunarinnar Blush.

Verslunin framkvæmir könnun í hverri viku á Instagram þar sem fylgjendur svara ýmsum kynlífstengdum spurningum. Blush er með yfir 20 þúsund fylgjendur á miðlinum og svara um þrjú til fjögur þúsund manns hverri spurningu. Þemað þessa viku var kynlífsjátningar og gátu Íslendingar játað sín dýpstu leyndarmál með öðrum undir nafnleynd.

„Pegging“

„Pegging“ er þegar kona notar gervilim í endaþarm karlkyns maka, þá gjarnan notað svokallað „strap-on“ þar sem hún „klæðist“ gervilimnum. Það er oft mikið feimnismál meðal karlmanna að ræða þessa hluti en umræðan virðist hafa aukist undanfarin ár.

186 karlmenn sögðust tengja við fullyrðinguna: „Langar að konan prófi að pegga mig en þori ekki að spyrja.“

197 sögðust hafa prófað það.

Kynlíf með fyrrverandi og feik fullnægingar

„Hef óeðlilegan áhuga á kynlífi maka míns með fyrrverandi,“ játaði einn fylgjandi og voru rúmlega 300 manns sammála. Aftur á móti sögðust rúmlega 2130 manns ekkert pæla í því.

Tæplega 2200 manns viðurkenndu að þeir hefðu feikað fullnægingu á einhverjum tímapunkti, eða um 77 prósent svarenda.

Kynsvall, og hafðu það stórt takk!

„Væri til í að fara í stóra orgíu. Minnst tíu manns, ekkert max. Jafnt af báðum kynjum,“ játaði einn Íslendingur.

33 prósent þeirra sem svöruðu, eða um 824 manns, sögðust geta hugsað sér að prófa það. Rúmlega 30 manns sögðust þegar hafa prófað það.

Þú getur fylgst með Blush á Instagram. Verslunin er dugleg að deila alls konar fróðleik og öðru tengdu kynlífi á síðuna.