Allir foreldrar kannast án efa við það hversu erfitt það getur verið að láta börnin sín sofna og sofa alla nóttina. Þá getur einnig reynst erfitt að láta börnin komast í svefnrútínu en móðirin Brittany Vasseur virðist hafa fundið töfralausn á þessu algenga vandamáli.
„Guð minn góður, þetta breytir leiknum!“ segir Brittany í myndbandi sem hún birti á samfélagsmiðlinum TikTok. „Lífið mitt er bókstaflega breytt til frambúðar. Ég sá þessa lausn hér á TikTok og hún virkar. Þetta er það sem þú þarft að gera til að láta barnið þitt sofna hraðar, ég trúi ekki að þetta virkaði svona vel.“
Brittany segir að um tvö skref að ræða. „Það fyrsta sem þú þarft að gera er að segja þeim að þau þurfi ekki að fara að sofa, bara að leggjast niður og loka augunum,“ segir hún og bætir við að með þessu minnki pressan á börnin.
Næsta skref er að taka upp bók, hvaða bók sem er, og lesa hana rólega. Brittany sýnir hvað hún á við í myndbandinu en hún les bókina ekki mikið hærra en ef hún væri að hvísla. „Þú munt hljóma fáránlega en í rauninni þarftu að lesa hægt fyrir þau með mjög mjúkri og rólegri rödd,“ segir hún.
Brittany vill meina að þetta virki afar vel á hennar son. „Hann steinsofnar á um það bil fimm mínútum,“ segir hún.
@brittany.vasseur Omg this is game changing!! Follow for more #momhacks #momsoftiktok #momsoftiktok #sleeptipsformoms #sleeptipsfortoddlers thank you to @Macy Sapp ♬ Inspiration – TimTaj