Ofurfyrirsætan og leikkonan Cara Delevingne hefur að undanförnu ferðast um heiminn til að taka upp nýja heimildaþætti um kynlíf. Í grein sem birtist í Daily Star lýsir hún því þegar hún fékk fullnægingu þegar hún tók þátt í rannsókn í Þýskalandi.
Um er að ræða rannsókn um áhrif fullnæginga. Cara þurfti að láta taka úr sér blóðsýni áður en hún stundaði svo sjálfsfróun í 10 mínútur. Eftir það var svo tekið annað blóðsýni úr henni. Hún segist hafa átt nokkrar „furðulegar reynslur af kynlífi“ en þetta hafi pottþétt verið ein af þeim furðulegustu.
Cara segir einnig frá því þegar hún fór í hópkynlífsvinnustofu. „Ég er mjög forvitin og ef það er eitthvað sem ég get lært og getur minnkað skömmina sem fylgir því að vera með píku þá er það frábært,“ segir hún.
Þá segir Cara frá öðru sem hún gerði fyrir heimildamyndina en það var að stunda sjálfsfróun í heilan klukkutíma. „Það var kynæsandi en mér fannst það samt smá skrýtið,“ segir hún.
„Ég fékk ekki fullnægingu en einhvern veginn fannst mér ég hafa breyst alveg ótrúlega. Ég hef aldrei gert neitt jafn hugrakkt. Ég trúi því ekki að ég hafi gert þetta ef ég á að vera alveg hreinskilin.“
Hér fyrir neðan má sjá stiklu fyrir heimildaþættina sem Cara birti á Instagram-síðu sinni:
View this post on Instagram