Útvarpsmaðurinn Heiðar Austmann og unnusta hans, naglafræðingurinn Kolfinna Guðlaugsdóttir, hafa sett heimili sitt við Tröllakór í Kópavogi á sölu.
Um er að ræða 139,6 fermetra íbúð á fjórðu hæð með lyftu í fallegu fjölbýlishúsi. Ásett verð er 84,9 milljónir.
Í íbúðinni eru þrjú svefnherbergi, stutt er í íþrótta og tómstundariðju, Hörðuvallaskóla, leikskóla, og alla helstu þjónustu.
Heiðar og Kolfinna eignuðust sitt fyrsta barn saman í janúar 2021 en fyrir eiga þau þrjú börn úr fyrri samböndum.
Hægt er að lesa nánar um eignina og skoða fleiri myndir á fasteignavef DV.