Fyrrum knattspyrnumaðurinn og hæfileikabúntið, Rúrik Gíslason, hefur undanfarna tólf daga dvalið í Afríkuríkinu Malaví ásamt mági sínum Jóhannesi Ásbjörnssyni, veitingamanni og fyrrum sjónvarpsmanni. Tilgangur ferðarinnar var að framleiða heimildarmynd til þess að vekja athygli á aðstæðum ungs fólks sem býr við sárafátækt. Rúrik er velgjörðasendiherra SOS-barnaþorpanna og í færslu á Instagram-síðu sinni, þar sem hann birti nokkrar myndir úr ferðinni, segist hann hafa orðið fyrir miklum hughrifum af ferðinni.
„Á meðan ferð minni hefur staðið hef ég hitt svo margt sterkt fólk og börn sem hafa haft mikil áhrif á mig. Það er óhætt að segja að þessi ferð hafi breytt hugsanahætti mínum og ég hef lært að endurmeta hlutina. Sem velgjörðasendiherra SOS barnaþorpa þá er ég snortinn og upplifi það sem mikinn heiður að hafa fengið tækifæri til þess að upplifa þennan heimshluta. “
View this post on Instagram