Josephine er danskur lífsstílsþjálfi og breiðir út boðskap jákvæðrar líkamsímyndar á samfélagsmiðlum.
Hún leggur áherslu á að sýna hvað samfélagsmiðlar geta verið blekkjandi með því að sýna hvernig stjörnurnar og áhrifavaldarnir nota smáforrit og „filtera“ til að breyta útliti sínu.
Það er vægast sagt sláandi að sjá hversu mikið er hægt að gera með einföldu símaforriti eins og sjá má í myndbandinu hér að neðan.
View this post on Instagram
Josephine sýnir hvernig er hægt að bæta við farða, þráðbeinu hvítu brosi, skipta um hárlit og jafnvel bæta þykkt við hárið.
Ekki nóg með það þá er einnig hægt að breyta líkama í þessum forritum og myndbönd eru ekki undanskilin eins og hún sýnir í myndbandinu hér að neðan.
View this post on Instagram
Josephine vildi sjá hversu langt hún gæti gengið með þessa filtera, sjáðu myndbandið hér að neðan.
View this post on Instagram
„Mig langar að gráta, hlæja og öskra á sama tíma. Það er svo ruglað hvað er hægt að gera með þessum smáforritum,“ segir hún.
„Ertu að gráta? Hér er filter til að fela það. Varstu að vakna? Hér er filter til að láta þig líta út fyrir að vera glaðvakandi. Ertu búin að vera þunglynd upp á síðkastið? Hér er bros til að setja á andlitið þitt.“
Josephine segir að þó þessir filterar geti verið fyndnir þá eru þeir einnig ógnvekjandi og mjög sorglegir. „Því fólk er að nota þessa filtera í alvörunni,“ segir hún.
Stjörnurnar, eins og Kardashian-Jenner fjölskyldan, eru oft á tíðum gagnrýndar fyrir að setja óraunhæfa fegurðarstaðla með því að birta myndir á samfélagsmiðlum sem hefur verið breytt í myndvinnsluforritum. Josephine sýnir hversu einfalt það er að gera það og það eru ekki aðeins stórstjörnurnar sem gera þetta, það er því mikilvægt að vera vakandi fyrir þessu og ekki bera þig saman við það sem þú sérð á samfélagsmiðlum.
Sjá einnig: Raunverulega myndin af Khloé Kardashian afhjúpuð
View this post on Instagram