Kona óskaði eftir aðstoð netverja við að hjálpa henni að finna karlmann sem hún kynntist á ströndinni í Miami fyrir nokkrum mánuðum. Leit netverja skilaði sér, hins vegar ekki eins og hún vonaðist heldur fundu þeir eiginkonu mannsins.
@micarenee TikTok I come to you today cause I heard what you do for others 😭 I think he said he’s from Detroit 😂 #fyp #helpmefindhim #boostofhope #viral ♬ Breakin my heart – Jodeci’s groupie
Mica Renee deildi myndbandi á TikTok þar sem hún bað um aðstoð við að finna karlmann sem hún kynntist í Miami. Vinkona hennar var að taka myndband af henni á ströndinni þegar maðurinn nálgaðist hana og byrjaði að daðra við hana. Vinkonan hélt áfram að taka upp og deildi Mica myndbandinu með myllumerkinu vinsæla #helpmefindhim.
Mica segir að hún hefði fengið númerið hjá manninum en týndi því og vonaðist eftir því að geta fundið hann á netinu.
Stuttu eftir að myndbandið byrjaði að fara um netheima hafði eiginkona mannsins til sex ára samband við hana.
„Ég var í áfalli að komast að því að hann ætti konu,“ segir Mica í samtali við NY Post.
„Ég hélt að ég myndi kannski finna hann, við myndum skiptast á símanúmerum og jafnvel byrja að tala saman.“
En það var eiginkona mannsins sem fann hana, Sharee. Mica bað hana afsökunar og sagðist ekki ætla að hafa samband við manninn.
„Þetta er ekki þér að kenna. Honum var skítsama þannig treystu því að mér er það líka. En takk fyrir að deila þessu. Allt kemur í ljós á endanum,“ sagði Sharee við hana og bað hana um að eyða ekki myndbandinu.
„Ég vil ekki að hann lýgur um þetta líka.“