Nýtt lag Ólafs F. Magnússonar, læknis og fyrrverandi borgarstjóra, er komið út. Það er við ljóð frá árinu 2019, en lagið varð til á þessu ári. Óperusöngkonan Ingibjörg Aldís Ólafsdóttir syngur lagið en hljóðfæraleik og útsetningu annast Vilhjálmur Guðjónsson. Myndbandsupptöku annast Friðrik Grétarsson. Fallegar sólarlagsmyndir frá þessu sumri fylgja myndbandinu.
Ljóðið er svohljóðandi:
Er hnígur sól við sjávarmál til viðar
og senn er liðin öll þín helsta tíð,
ef draumar rætast finnur þú til friðar,
þá fegurst skín þín ævisaga blíð.
Þú farsæll lítur yfir farna veginn,
fylgt þér hefur gæfa um liðinn dag.
Þú getur verið ferðalagi feginn,
því forðum lifðir þú með góðum brag.
Já, víst þú getur litið bjart til baka
og birtu lýsir ennþá minning þín.
Þú aldrei hefur unnið neitt til ska
og áfram glóey fegust við þér skín.
Sjá myndbandið í spilaranum hér að neðan:
