Viaplay frumsýnir á fimmtudag heimildarþáttaröð í sex hlutum um hægriöfgahyggju í Skandinavíu „Surrounded by Enemies“ sem eru tímamótaþættir þar sem skyggnst er á bak við tjöldin í heimi hægri öfgamanna á Norðurlöndum. Á ólgutímum fer hatur vaxandi, bæði á netinu og innan hópanna. Blaðamanninum Henrik Evertsson (Estonia, The Race Warriors) hefur tekist að komast í innsta hring fjölda samtaka, þar á meðal Nordic Restistance Movement, sem er stærsti nýnasistahópur á Norðurlöndum.

Þar er fylgst með lykilpersónum í umhverfi sem er fullt af hatri og vantrausti á samfélagið og lýðræði. Með samtölum er kannað hvað veldur því að meðlimirnir lifa svo öfgafullu lífi. Hvaðan koma þeir og hvert fara þeir næst? Evertsson hefur rætt við leiðtoga samtakanna, rannsakendur og fulltrúa stjórnvalda, til að reyna að skilja hvers vegna hægri öfgahyggja er í vexti á Norðurlöndunum. ,,Það er mikilvægt að tala við öfgamennina en ekki um þá, til að fræðast um það hvers vegna hafa svona róttæk viðhorf. Í gegnum samtalið reynum við að komast að því hvað býr þar að baki. Þáttaröðin inniheldur einstaka hluti sem hafa ekki sést í sjónvarpi áður og við sýnum meðal annars brotthvarf úr samtökunum á meðan það á sér stað, sem er sjaldgæft,“ segir Henrik Evertsson.

„Árið 2021 komumst við í návígi við danska síbrotamanninn og morðingann Amagermandend (The Copenhagen Killer) og köfuðum ofan í hneykslið sem skók Sænsku Akademíuna í The Prize of Silence. Á þessu ári höldum við áfram að búa til jafn hnitmiðaðar frumlegar heimildaþáttaraðir í hæsta gæðaflokki, og það er nákvæmlega það sem Surrounded by Enemies er. Á löngum tíma hefur Evertsson öðlast aðgang að sumum af lokuðustu öfgasamtökum á Norðurlöndum til að varpa ljósi á þeirra ástæður og draga upp mynd af harkalegum aðgerðum þeirra. Afraksturinn er sterk þáttaröð sem veitir mikilvægt innsæi í umhverfi hægriöfgamanna sem gjarnan starfa undir yfirborðinu og eiga sinn þátt í að skapa sundrungu í samfélaginu,“ segir Filippa Wallestam, dagskrárstjóri NENT Group.