Hildur Björnsdóttir, borgarfulltrúi Sjálfstæðisflokksins, og forstjórinn Jón Skaftason giftu sig nú á milli jóla og nýárs.
Athöfnin var lágstemmd í stofunni heima hjá þeim, þar sem þau voru umkringd nánustu fjölskyldumeðlimum. Hildur greinir frá þessu á Facebook-síðu sinni, og segir að brúðkaupið hafi verið ákveðið með nokkurra daga fyrirvara, og að það hafi komið viðstöddum á óvart.
Jón og Hildur höfðu verið trúlofuð um nokkurt skeið, en í færslu sinni grínast hún með að fyrningarfrestur á trúlofuninni hefði verið að renna renna út. Hildur biður vini og vandamenn ekki að örvænta, og lofar partýi í sumar.
Færsla hennar á Facebook hefur á skömmum tíma vakið mikil viðbrögð og virðast hamingjóskirnar svoleiðis streyma til hjónanna.
Hildur er sem sakir standa eini einstaklingurinn sem gefur kost a sér í oddvitasæti í komandi prófkjöri Sjálfstæðisflokksins í Reykjavík, en kosið verður 26. febrúar.