Kona leitar ráða til Dear Deidre, kynlífs- og sambandsráðgjafa The Sun.

„Ég þoli það ekki þegar eiginmaður minn glápir á aðrar konur,“ segir hún.

„Við vorum nýlega á ströndinni og hann var ekkert að fela það að hann var að njóta þess að glápa á konur í agnarsmáum sundfötum. Ég sagði honum að mér þætti það niðurlægjandi en hann hlustaði ekki á mig, hann sagði að allir gaurar gera þetta og þetta er ekki neitt. Hann segir að þetta sé meinlaus skemmtun, en þetta er ekki meinlaust þar sem þetta særir mig og hefur áhrif á sjálfstraustið mitt,“ segir konan.

Konan er 52 ára og eiginmaður hennar 53 ára. „Af hverju þarf hann að láta eins og skítugur gamall karl en segir að ég sé sú sem hann vill. Mér finnst ömurlegt að hugsa til þess að hann sé einhver óþverri en þannig er ég byrjuð að líta á hann.“

Deidre gefur konunni ráð.

„Við höfum öll gaman af því að horfa á aðlaðandi fólk en að gera það svona opinskátt fyrir framan maka þinn er virðingarleysi, sérstaklega ef hann hefur beðið þig sérstaklega um að gera það ekki,“ segir hún.

„Hvernig myndi honum líka það ef þú værir að glápa á aðra karlmenn? Það er ekki raunhæft að ætlast til þess að hann hætti þessu alveg en þú getur krafist þess að hann geri þetta ekki fyrir framan þig.“