Netverslunin Fashion Nova birti á dögunum mynd af fyrirsætu í samfesting sem er til sölu á vefsíðu þeirra.
Um er að ræða hlýralausan samfesting með hlébarðamynstri og bláum fiðrildum.
Samfestingurinn hefur vakið mikla kátínu meðal netverja en athyglisvert er að um 18 þúsund manns hafa líkað við myndina en yfir 70 þúsund manns skrifað athugasemd við hana. Venjulega eru hlutföllin öfug.
Ástæðan er klofið á samfestingnum en netverjum þykir það furðulega lítið. Margar konur velta því fyrir sér hvernig í ósköpunum samfestingurinn sé nothæfur og hefur hann einnig vakið athygli íslenskra kvenna í Facebook-hópnum Fyndna frænka sem spyrja sömu spurninga.
Hér eru nokkrar athugasemdir sem hafa slegið í gegn.
Það er hægt að sjá fleiri athugasemdir á Facebook-síðu Fashion Nova.
