Tónlistarhjónin Jóhanna Guðrún Jónsdóttir og Davíð Sigurgeirsson eru skilin að borði og sæng. Frá þessu greinir Smartland hjá mbl.is.
Jóhanna og Davíð giftu sig árið 2018 og eiga saman tvö börn. Bæði hafa þau verið áberandi í tónlistarsenunni á Íslandi. Jóhanna Guðrún er ein af stærstu söngdívum landsins og skilaði Íslandi öðru sætinu í Eurovision-keppninni árið 2009. Davíð er gítarleikari, útsetjari og kórstjóri sem hefur notið velgengni á sínu sviði.
