fbpx
Fimmtudagur 26.maí 2022
Fókus

„Skyndilega þremur mánuðum seinna var eins og ég hefði verið kýld niður“

Guðrún Ósk Guðjónsdóttir
Mánudaginn 30. ágúst 2021 12:30

Sigrún Ásta Jörgensen. Mynd/Sigga Ella

Ekki missa af Helstu tíðindum dagsins í pósthólfið þitt

Lesa nánar

Sigrún Ásta Jörgensen, stílisti og förðunarfræðingur, greindist með Covid-19 í fyrra. Hún varð ekki mjög veik en glímdi við mikil eftirköst  sem leiddu til þess að hún fór í endurhæfingu á Reykjalundi. Hún segir frá þessu í forsíðuviðtali Vikunnar.

Sigrún smitaðist eftir snjóbrettaferð í Ölpunum í Austurríki. „Þegar við komum heim var ég slöpp í tvo daga, svitnaði rosalega mikið en fékk aldrei háan hita. Mér leið samt eins og ég væri með mikinn hita. En svo var þetta bara búið. Í þrjár vikur á eftir var ég samt mjög þreytt og missti allt bragð- og lyktarskyn,“ segir hún í viðtalinu.

„En skyndilega þremur mánuðum seinna var eins og ég hefði verið kýld niður. Ég varð aftur mjög þreytt og gat sofnað standandi, hélst varla uppi heilan dag og mér fannst mjög einfaldir hlutir mjög erfiðir. Það sem mér kannski fannst líka erfiðast var þessi mikla heilaþoka sem var yfir manni allan daginn og gat ekki hrist af sér.“

Sigrún segir að hún hafði aldrei fundið fyrir svona heilaþoku áður. Hún viðurkennir að þetta voru mikil viðbrigði, að fara úr því að vera alltaf svo orkumikil og aktíf í að vera svona orkulaus og þreytt.

Fleiri einkenni gerðu vart fyrir sig og undirliggjandi kvillar blossuðu upp. Hún fékk exem og IBS (irritable bowel syndrome). Hún var einnig komin á astmalyf og lyktar- og bragðskynið hennar breyttist og hefur ekki enn komið allt til baka.

Sigrún fór í endurhæfingu á Reykjalundi og tókst að endurheimta orkuna og kraftinn á ný en þó ekki alveg. Hún finnur enn fyrir mikilli þreytu og þarf að skipuleggja sig vel.

„Mér finnst ég heppin að hafa komist í endurhæfingu og náð að yfirvinna afleiðingarnar þó þetta vel,“ segir hún.

Þú getur lesið viðtalið í heild sinni í nýjasta tölublaði Vikunnar. Hún opnar sig einnig um andlát bróður síns og einelti sem hún varð fyrir af hálfu kennara.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Áhrifavaldurinn Camilla Rut greinir frá skilnaði í einlægri Instagram-færslu – „Búið ykkur undir single-mom content“

Áhrifavaldurinn Camilla Rut greinir frá skilnaði í einlægri Instagram-færslu – „Búið ykkur undir single-mom content“
Fókus
Fyrir 2 dögum

Courtney Love segir að Johnny Depp hafi bjargað lífi hennar

Courtney Love segir að Johnny Depp hafi bjargað lífi hennar
Fókus
Fyrir 3 dögum

Myndasyrpa: LXS-dívurnar taka yfir Lundúnaborg

Myndasyrpa: LXS-dívurnar taka yfir Lundúnaborg
Fókus
Fyrir 3 dögum

Vikan á Instagram: „Bað Guð um sól, verði ykkur að góðu“

Vikan á Instagram: „Bað Guð um sól, verði ykkur að góðu“