Rapp- og poppstjarnan Lizzo vísaði leiðinlegri flökkusögu á bug í myndbandi sem hún birti á TikTok í vikunni.
Sá orðrómur hefur gengið um internetið að Lizzo hafi á einum tónleikum sínum stokkið af sviðinu, lent ofan á áhorfanda sem hafi látist í kjölfarið. Hún segir þessa sögu vera haugalygi, hún hafi aldrei drepið neinn.
„Ég hef séð mikið af leiðinlegum hlutum um mig á Internetinu, en þetta er það sem pirrar mig mest. Þessi orðrómur um að ég hafi stokkið af sviðinu á tónleikum og drepið einhvern.“ sagði hún og bætti við: „Þessi orðrómur er lygi. Ég hef til að mynda aldrei stokkið af sviðinu í lífi mínu.“
„Ætlið þið í alvöru að ljúga þessu upp á mig? Ég meina, ég veit að ég er stór, en tík, ég er ekki það fokking stór.“ sagði Lizzo reið.
Í kjölfarið kliptti hún yfir á myndband af sér að hoppa í rúm, til að sanna að hún myndi líklega ekki drepa einn né neinn með því að hoppa á hann.
@lizzoSTOP THE 🧢