Skoskur karlmaður var mjög spenntur að fara á fyrsta stefnumótið sitt í tvö ár. Craig Moffat, 21 árs, ferðaðist um 160 kílómetra frá Edinburgh til Aberdeen til að fara á stefnumót. En konan mætti ekki.
Craig birtir myndband frá ferðalaginu á TikTok. Myndbandið hefur fengið rúmlega fjórar milljónir í áhorf á aðeins tveimur sólarhringum. Netverjar hughreysta hann í athugasemdum og segja hann hafa sloppið með skrekkinn.
Í myndbandinu segir Craig að hann hefði verið svo spenntur fyrir fyrsta stefnumótinu sínu í tvö ár. Hann mætti aðeins fyrr á veitingastaðinn en eftir að hafa beðið í 35 mínútur var ljóst að konan ætlaði ekki að mæta.
Craig borðaði einn og fékk sér drykki áður en hann hélt heim á leið.
@craig.moffatMaybe it’s not time to get back out there just yet… ##heartbroken ##allwomenarethesame ##fpy♬ roslyn by st. vincent and bon iver – emi
„Hún á þig ekki skilið,“ segir einn netverji og eru tæplega 12 þúsund manns sammála honum.
Craig hefur ekkert tjáð sig um málið frekar síðan hann birti myndbandið á miðvikudaginn.
